‘सीमा अतिक्रमण भएको क्षेत्रमा सेना र सशस्त्र प्रहरी पठाउनुपर्छ’

भरत दाहाल

ईण्डियासंग कुरा गर्नुभन्दा पहिले समस्याको प्रकृति बुझेर विकल्प सहित कदम चाल्नु पर्छ  । नेपाली भूमिमा हुँदै आएको ईण्डियन अतिक्रमणका आधारभूत कारणहरुलाई नबुझेर यसको समाधान गर्न संभव छैन। ईण्डियनहरुको मानसिकतामा घर गरेको कथित अखण्ड भारतको कुभावना, चीनका विरुद्ध उपयोग गर्न सकिने कालापानीको समरिक महत्व र दिल्लीबाट चीनतर्फ जानसक्ने सबैभन्दा छोटो दुरीको नाका भएका कारणले ईण्डियाले सो क्षेत्र अतिक्रमण गरेको हो।

यसर्थ, कर्मचारी वा मन्त्रीस्तरिय वार्तालाई ईण्डियाले सुन्दै सुन्दैन। सर्वप्रथम त्यस क्षेत्रमा सेना र सशस्त्र प्रहरी पठाउनु पर्दछ। त्यसपछि एकपटक मोदीसंग सिधै कुरा गरेर अन्तर्राष्ट्रिय अदालतमा जानुको विकल्प छैन। कुटनीतिक वार्ताको आवरणमा यसलाई लम्ब्याईरहने चाहना कसैको हो भने त्यो समस्या समाधान नगर्ने सोंच हो। समस्याको प्रकृति बुझेर मात्र अघि बढ्नु पर्छ।