नेकपाबाट कास्की २ मा विद्या भट्टराई सर्वसम्मत
पोखरा । कास्की क्षेत्र नम्बर २ को प्रतिनिधिसभा उपनिर्वाचनमा नेपाल कम्युनिस्ट पार्टीले विद्या भट्टराईलाई उम्मेदवार बनाएको छ । शुक्रबार नेकपा जिल्ला कमिटी बैठकले उनलाई सर्वसम्मत रुपमा केन्द्रमा सिफारिस गर्ने निर्णय गरेको हो ।
नेकपा कास्कीका अध्यक्ष कृष्ण थापाले सर्वसम्मत रुपमा नै सिफारिस गरिएको जानकारी दिए । भट्टराई स्व. रवीन्द्र अधिकारीकी धर्मपत्नी समेत हुन् । पर्यटनमन्त्रीमा बहाल रहँदै गर्दा गत फागुन १५ गते अधिकारीको हेलिकप्ट दुर्घटनामा परि निधन भएको थियो ।
उनको निधनपछि रिक्त कास्की २ मा मंसिर १४ मा उपनिर्वाचन हुँदैछ ।