नेपालमा चिनियाँ प्रभाव बढेको भन्दै अमेरिका चिन्तित



काठमाडौं । अमेरिकी संसद्को विदेश मामिलासम्बन्धी एक उपसमितिमा बोल्न उपस्थित अमेरिकी विदेश मन्त्रालयकी दक्षिण एवम् मध्य एशिया हेर्ने कार्यवाहक उपमन्त्री एलिस जी वेल्सले नेपालमा चिनियाँ प्रभावको कुरा उठाएकी छन् ।

एशिया तथा प्रशान्त क्षेत्रसम्बन्धी संसदीय उपसमितिमा दक्षिण एशियामा मानवअधिकारको अवस्थाबारे कार्यवाहक उपमन्त्री वेल्सले अमेरिकी सरकारका तर्फबाट मङ्गलवार आफ्नो लिखित भनाइ राखेकी हुन् ।

त्यसमा उनले नेपाल सरकारले तिब्बती धार्मिक समुदायप्रति प्रतिबन्धहरू बढाएको र सार्वजनिक रूपमा दलाई लामाको जन्मदिन मनाउन प्रतिबन्ध लगाएको बताइएको छ ।

उक्त उपसमितिमा दक्षिण एशियाका अफ्गानिस्तानबाहेक सबै सात देशबारे विस्तृत धारणा राखिएको थियो । त्यसमा नेपालमा धार्मिक स्वतन्त्रता अझै चुनौतीको रूपमा रहेको बताउँदै धार्मिक अल्पसङ्ख्यकहरू अझै जोखिममा रहेको समेत उल्लेख छ ।

अन्लाइन मिडिया सम्बन्धी ल्याउन लागिएका केही कानुनले नेपालमा अभिव्यक्ति स्वतन्त्रताका क्षेत्रमा अवरोध सिर्जना गर्न सक्ने भए पनि नेपाल सरकारले सर्वसाधारण नागरिकले उठाएका सरोकारलाई सुनेको समेत त्यसमा जनाइएको छ ।

त्यसमा नेपालले आफ्नो संविधानले सुनिश्चित गरेका अधिकार अनुकूल हुनेगरी कानुन बनाउने प्रक्रिया थालेको बताइएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘नेपाली कांग्रेस छिट्टै सरकारमा पुग्छ’

त्रिशूली । नेपाली कांग्रेसका प्रवक्ता तथा प्रतिनिधिसभा सदस्य डा प्रकाशरण महतले नेपाली कांग्रेस

बजेटको आकारमा यथार्थपरकता खोज्छौंः अर्थमन्त्री

काठमाडौँ । उपप्रधानमन्त्री एवं अर्थमन्त्री विष्णुप्रसाद पौडेलले आगामी आर्थिक वर्षको बजेट ल्याउँदा र

अमेरिकी सहयोग नियोग प्रमुख सामन्था आगामी साता नेपाल आउने

न्यूयोर्क । अमेरिकी सहयोग नियोग (युएसएआइडी)की प्रमुख प्रशासक सामन्था पावर आगामी साता नेपाल

नेपाली कृषि उत्पादन विश्व बजारमा पुर्याउन भारतीय पक्षलाई उदारतापूर्वक सहयोग गर्न महासंघको आग्रह

काठमाडौं । भारतको उत्तरपूर्वी क्षेत्र र नेपाल बीचको कनेक्टीभीटी परियोजनाको अध्ययनको सिलसिलामा नेपाल