आँखा खोलेर त हेरौं सरकारले के गरेको छः प्रधानमन्त्री



काठमाडौं । प्रधानमन्त्री केपी शर्मा ओलीले सरकारको विरोध गर्नेहरुलाई आँखा खोलेर हेर्न आग्रह गरेका छन् । चाडबाडका अवसरमा पार्टीले भृकुटीमण्डपमा आयोजना गरेको चियापान कार्यक्रममा प्रधानमन्त्रीले सरकारले गरेका काम देख्न आग्रह गरेका हुन् ।

उनले भने, “सरकारले काम गरिरहेको छ। आँखा चिम्लेर होइन, आँखा खोलेर हेरौँ ।” हामीले समृद्ध नेपाल बनाउन चाहेका छौँ। विकासको बाटो समातेका छौँ। यो गतिलाई समाऊँ’, उनले भने, ’केही पनि भएन भन्नेहरूले आँखा चिम्लेर होइन, खोलेर भन्नुस्। घर, जागिर, गाडी र छोराछोरी विदेशमा पढाउने सम्भ्रान्त वर्गलाई फरक नपरेको होला तर बुढाबुढीलाई सोध्नुस्, फरक परेको छ कि छैन? उनीहरु सबैको बैंक खाता खोलिएको छ। सरकारी सुविधा गाउँ गाउँका बैंकमा पुगेको छ।’

ओलीले विकासको गति तीव्र भएको उल्लेख गरे। निवर्तमान सभामुख तथा सांसद कृष्णबहादुर महरा, कांग्रेस सांसद अफताब आलम र राजपा सांसद प्रमोद साह पक्राउ परेको तर्फ इंगित गर्दै प्रधानमन्त्रीले कानुनका नजरमा सबै बराबर हुने बताए ।

दुई ठूला छिमेकी देश भारत चीन विकासमा एकसाथ आएका उनको भनाइ थियो । ’भारतसँग प्रशारण लाइन बनाउने सहमति भएको छ। तराईको डुबान अन्त्य गर्नेबारे छलफल भइरहेको छ’, ओलीले थपे, ’सबै देशसँग समान व्यवहार गर्ने ठाउँमा पुगेका छौँ।’ नेपाल नेपालीले नै बनाउने उनको भनाइ थियो ।

नेपाल र नेपाली उच्च संस्कृतियुक्त मर्यादा भएको समाज भएको भन्दै उनले पछिल्लो समय त्यसलाई बिगार्न खोजिएको गुनासो गरे । ’सामाजिक सञ्जालका नाममा सुन्न हेर्नै पढ्नै नसकिने कुरा लेखिएका हुन्छन्, त्यो नेपाली संस्कृति होइन, यस्तो किसिमले कोही पनि अगाडि नबढौं।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अर्थतन्त्र सुधारका लागि सरकारका साथै निजी क्षेत्र पनि उत्तिकै जिम्मेवारः प्रधानमन्त्री

काठमाडौं । प्रधानमन्त्री पुष्पकमल दाहाल प्रचण्डले अर्थतन्त्र सुधार गर्दै मुलुकमा आशाको सञ्चार गर्न

भावी प्रधानसेनापतिको टुंगो लाग्यो, सिग्देललाई रथीमा बढुवा गर्ने मन्त्रिपरिषदको निर्णय

काठमाडौं । सरकारले नेपाली सेनाका उपरथी अशोकराज सिग्देललाई रथीमा बढुवा गर्ने निर्णय गरेको

एनसेलको शेयर बिक्री प्रकरण छानबिनका लागि पाँच सदस्यीय समिति गठन

काठमाडौं । सरकारले एनसेलको शेयर खरिदबिक्री अध्ययन गर्न उच्चस्तरीय समिति गठन गरेको छ

प्रधानमन्त्रीसँग वरिष्ठ अमेरिकी अधिकारी लाउबाचरको भेट

काठमाडौं । प्रधानमन्त्री पुष्पकमल दाहाल प्रचण्डसँग दक्षिण एसियाका लागि अमेरिकी राष्ट्रिय सुरक्षा परिषदकी