सी जिनपिङको भ्रमणले दुई देशबीचको सम्बन्ध नयाँ उचाइमाः प्रधानमन्त्री
काठमाडौं । प्रधानमन्त्री केपी शर्मा ओलीले चीनका राष्ट्रपति सि जिनपिङको नेपाल भ्रमणले दुई देशबीचको सम्बन्ध नयाँ उचाइमा पुगेको बताएका छन् । राष्ट्रपति जिनपिङलाई विदाइ गरेपछि प्रधानमन्त्री ओलीले ट्विट गर्दै यस्तो बताएका हुन् ।
“मित्रराष्ट्र जनवादी गणतन्त्र चीनका महामहिम राष्ट्रपति सी जिनपिङको दुई दिवसीय ऐतिहासिक नेपाल भ्रमण भव्य रुपमा सम्पन्न भएको छ ” प्रधानमन्त्री ओलीले ट्वीटरमा लेखेका छन् “उहाँको भ्रमणबाट दुई देशबीचको सम्बन्धले नयाँ उचाई र गतिशीलता प्राप्त गरेको छ ।”
नेपालको दुईदिने राजकीय भ्रमणमा शनिबार आएका सी आइतबार स्वदेश फर्किएका हुन् ।
