हत्या आरोपमा नेपाली कांग्रेसका नेता मोहम्मद अफताब आलम पक्राउ
रौतहट । नेपाली कांग्रेसका नेता मोहम्मद अफताब आलम पक्राउ परेका छन् । २०६४ चैत २७ गते राति राजपुर नगरपालिकाको फरदवा गाउँमा भएको बम बिस्फोट सम्बन्धी घटनामा संलग्न रहेको आरोपमा उनलाई पक्राउ गरिएको बताइएको छ ।
संविधानसभा निर्वाचनलाई लक्षित गरेर बम बनाउँदै गर्दा बम बिस्फोट हुँदा त्यहाँ केही मानिसको मृत्यु भएको थियो भने २३ जना भन्दा बढी घाइते भएका थिए ।
प्रमाण नष्ट गर्नका लागि घाइते भएका २३ जनालाई इँटाभट्टामा जिउँदै जलाएर मारेको अभियोगमा उनलाई प्रहरीले खोजी गरेको थियो ।
पहिलो संविधानसभामा उनी रौतहट क्षेत्र नम्बर २ बाट विजयी भएका थिए । आलम नेपाली कांग्रेसका पूर्वजिल्ला सभापति एवं पूर्व केन्द्रीय सदस्य समेत हुन्।
