चिनियाँ राष्ट्रपति सी काठमाडौंमा(भिडियोसहित)
काठमाडौं । चिनियाँ राष्ट्रपति सी जिनपिङ काठमाडौं आइपुगेका छन् । भारतको चेन्नईबाट उनी ४ः४५ बजे त्रिभुवन अन्तर्राष्टिय विमानस्थलमा अवतरण गरेका हुन् । सी एयर चाइनाको विशेष विमानबाट काठमाडौं आएका हुन् ।
सीलाई राष्ट्रपति विद्यादेवी भण्डारी, प्रधानमन्त्री केपी शर्मा ओली लगायतले स्वागत गर्नेछन् । चिनियाँ राष्ट्रपति विमानस्थलबाट सिधै होटल सोल्टी जानेछन् । त्यहाँ राष्ट्रपति भण्डारीले चिनियाँ राष्ट्रपतिको सम्मानमा रात्रीभोज आयोजना गरेकी छन् । सीले आजै राष्ट्रपति भण्डारीसँग भेटवार्ता गर्ने कार्यक्रम छ ।
