नारायणकाजीले भने–सि विचारधाराबाट सिकौं तर नक्कल नगरौं
काठमाडौं । सत्तारुढ नेपाल कम्युनिष्ट पार्टीका प्रवक्ता नारायणकाजी श्रेष्ठले चिनियाँ राष्ट्रपति सि जिनफिङको विचारधाराको नक्कल गर्न नहुने बताएका छन् ।
ट्वीट गर्दै प्रवक्ता श्रेष्ठले सिद्धान्त पढ्नु र बुझ्नु राम्रो कुरा भएको पनि नक्कल गर्नु गलत हुने उल्लेख गरेका हुन् । उनले भनेका छन्, ‘हामी कुनै पनि लोकतान्त्रिक, प्रगतिशील, क्रान्तिकारी, समाजवादी र कम्युनिस्ट आन्दोलन र समाजको अनुभवबाट सिक्न तयार छौँ। तर हामी नक्कल गर्दैनौँ। यसमा कुनै पनि अलमलमा पर्नु जरुरी छैन।’
नेकपाको विदेश विभागले चिनियाँ कम्युनिष्ट पार्टीका प्रमुखलाई बोलाएर काठमाडौंमा दुई दिन सी जिनपिङ विचारधाराबारेमा छलफल चलाएको थियो । त्यसक्रममा दुई पार्टीबीच सहकार्यसम्बन्धी समझदारीपत्रमासमेत हस्ताक्षर भएको छ ।
