सत्तारुढ नेकपा र चिनियाँ कम्युनिष्ट पार्टीबीच सहकार्य सम्बन्धी समझदारीपत्रमा हस्ताक्षर
काठमाडौं । नेपाल कम्युनिष्ट पार्टी र चिनियाँ कम्युनिष्ट पार्टीबीच आपसी सहयोग तथा सहकार्यका लागि समझदारी पत्रमा हस्ताक्षर भएको छ ।
काठमाडौंमो होटल मेरियटमा आयोजित कार्यक्रममा नेकपा विदेश विभाग प्रमुख माधव कुमार नेपाल र चिनयाँ कम्युनिष्ट पार्टीका विदेश विभाग प्रमुख सङ ताओले हस्ताक्षर गरेका हुन् ।
कार्यक्रममा नेकपाका अध्यक्षद्वय प्रधानमन्त्री केपी शर्मा ओली र पुष्पकमल दाहाल प्रचण्ड उपस्थित थिए । समझदारीपत्रमा दुवै पार्टीबीच सहयोग, सहकार्य, भ्रमण र गोष्ठीहरू गर्ने विषय समेटिएको बताइएको छ ।
समझदारी-पत्रमा निम्न छ बुँदा छन्:
१. उच्चस्तरीय भ्रमण
२. कार्यकर्ता तहको अध्ययन भ्रमण बृद्धि
३. पार्टी-पार्टी अनुभव आधारित सहयोग आदान-प्रदान
४. युवा र स्थानीय नेताहरूबीच भ्रमण आदान-प्रदान
५. जनस्तरको सम्बन्ध (बुद्धिजीवी, नागरिक संस्था, मिडिया) अभिवृद्धि
६. विचार-सिद्धान्तमा आधारित बार्षिक कार्यक्रम संचालन
