तोकिए नेकपाका ६ वटै महानगरमा अध्यक्ष र सचिव
काठमाडौं । नेपाल कम्युनिष्ट पार्टीले ६ वटै महानगरमा अध्यक्ष र सचिव चयन गरेको छ । शनिबार बालुवाटारमा बसेको सचिवालय बैठकले ६ वटै महानगरको अध्यक्ष र सचिव चयन गरेको प्रवक्ता नारायणकाजी श्रेष्ठले जानकारी दिए ।
काठमाडौं महानगरको अध्यक्षमा निर्मल देउला र सचिवमा निर्मल श्रेष्ठ चयन भएका छन् । ललितपुरको अध्यक्षमा मञ्जरी कायश्थ र सचिव ज्ञानेन्द्र शाक्य चयन भएका छन् ।
पोखरा महानगरपालिकाको अध्यक्षमा दिपक पौडेल र सचिव विश्वप्रकाश लामिछाने चयन गरिएको प्रवक्ता श्रेष्ठले जानकारी दिए ।
त्यसैगरी भरतपुर महानगरको अध्यक्षमा रामप्रसाद न्यौपाने र सचिवन ईश्वर सापकोटा, वीरगन्जको अध्यक्षमा रहबर अन्सारी र सचिवमा विश्वम्भर शर्मा तथा विराटनगरको अध्यक्षमा सागर थापा र सचिवमा हेम कार्की चयन भएको उनले जानकारी दिए ।
