थप ४८७ जनामा कोरोना संक्रमण, एकजनाको मृत्यु

काठमाडौं । नेपालमा पछिल्लो २४ घण्टाको अवधिमा थप ४८७ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ४ हजार १७७ जनाको कोरोना परीक्षण गर्दा ४८७ जनामा कोरोना पुष्टि भएको हो।

मन्त्रालयका अनुसार १ हजार ८०६ जनाको पीसीआर परीक्षण गर्दा २४२ र २ हजार ३७१ जनाको एन्टीजेन परीक्षण गर्दा २४५ जनामा कोरोना देखिएको छ। पछिल्लो २४ घण्टाको अवधिमा थप एक संक्रमितको मृत्यु भएको मन्त्रालयले जनाएको छ।