चीनबाट थप आठ लाख डोज खोप आइपुग्यो

काठमाडौं । चीनबाट कोभिडविरुद्धको थप आठ लाख डोज भेरोसेल खोप नेपाल आइपुगेको छ । सरकारले खरिद गरेको खोप नेपाल वायु सेवा निगमको जहाजले बेइजिङबाट बिहीबार काठमाडौं ल्याएको हो ।

यसअघि असार २५ गते पनि निगमको जहाजले आठ लाख डोज खोप ल्याएको थियो । बाँकी खोप लिन निगमको जहाज आजै चीन जाने तालिका रहेको छ । सरकारले खरिद गरेको ४० लाख डोज मध्ये यो सहित १६ लाख डोज खोप आएको छ भने अब २४ लाख डोज खोप आउन बाँकी रहेको छ ।