अष्ट्रेलियाले दियो नेपाली सेनालाई स्वास्थ्य सामग्री
काठमाडौं । अष्ट्रेलिया सरकारले नेपाललाई कोभिड–१९ माहामारी विरूद्ध अग्रपङ्क्तिमा खटिने स्वास्थ्यकर्मीलाई आवश्यक पर्ने स्वास्थ्य सामग्री प्रदान गरेको छ ।
अष्ट्रेलियाली वायु सेनाको विशेष विमानबाट शनिबार त्रिभुवन अन्तर्राष्ट्रिय विमानस्थल ल्याईएका ती सामग्रीहरु नेपालका लागि अष्ट्रेलियली राजदूत फेलीसीटी वोल्कले नेपाली सेनाका बलाधिकृत रथी प्रभुराम शर्मालाई हस्तान्तरण गरेकी छन् ।
सामग्रीहरु हस्तान्तरण गर्दै राजदूत वोल्कले दक्षिण एसियाका मित्रलाई सहयोग गर्ने अष्ट्रेलियाको क्षेत्रीय कार्य स्वरुप श्रीलंका, भारत र नेपालमा उक्त स्वास्थ्य सामग्री ल्याइएको बताइन् ।
आज ल्याईएका १ दशमलव ८ लाख अष्ट्रेलियन डलर मूल्यका सामाग्रीहरुमा नेपाली सेनाको अनुरोध अनुरुप वेस्टर्न अष्ट्रेलिया सरकारले प्रदान गरेको सर्जीकल मास्क, फेश शील्ड र पञ्जाहरु रहेका छन् ।
