प्रदेश दुई सरकारले थप ५० हजार भिटिएम र रिएजेण्ट खरिद गर्ने

जकनपुरधाम । प्रदेश दुई सरकारले कोरोना सङ्क्रमण नियन्त्रण सन्दर्भमा परीक्षणको दायरा बढाउन थप ५० हजार भिटिएम र रिएजेण्ट खरिद गर्ने भएको छ । मुख्यमत्री लालबाबु राउतद्वारा प्रदेशका चिकित्सक, जनप्रतिनिधि र प्रमुख जिल्ला अधिकारीसँग गरिएको भर्चुअल छलफलका आधारमा प्रादेशिक कोरोना भाइरस व्यवस्थापन समितिले थप भिटिएम र रिएजेण्ट खरीद गर्ने निर्णय गरेको हो ।

समितिले प्रदेशमा हुन सक्ने अक्सिजनको अभावलाई ध्यानमा राखी सङ्घीय सरकारसँग तत्काल चार हजार अक्सिजन सिलिण्डर मांग गर्ने निर्णय पनि गरेको छ । मुख्यमन्त्री सञ्चार सचिवालयका अनुसार होम आइसोलेशनमा रहेका सङ्क्रमितको हेरचाहका लागि स्थानीय तहसँग समन्वय गर्नाका साथै जिल्ला स्वास्थ्य कार्यालयका समन्वयमा प्रत्येक अस्पतालमा हेल्थ डेस्क स्थापना गर्ने निर्णयसमेत समितिले गरेको छ ।