गैरकानुनीरुपमा शुल्क अशुल्ने अस्पताललाई कारबाही गर्ने मन्त्रालयको चेतावनी
काठमाडौं । स्वास्थ्य तथा जनसंख्या मन्त्रालयले तोकिएको उपचार शुल्कभन्दा बढी लिने अस्पताललाई कडा कारबाही गर्ने चेतावनी दिएको छ । बुधबार मन्त्रालयका सहप्रवक्ता डा. समिरकुमार अधिकारीले विज्ञप्ति जारी गरी सरकारले तोकेको शुल्कभन्दा बढी लिए कारबाही गर्ने चेतावनी दिएका हुन् ।
निजी अस्पतालहरूले सरकारले तोकेको उपचार शुल्कभन्दा बढी लिएको गुनासो आएपछि मन्त्रालयले यस्तो चेतावनी दिएको हो । केही निजी अस्पतालले जारी गरेको उपचार शुल्कका विवरण सार्वजनिक भएपछि चर्को विरोध भएको थियो ।
विज्ञप्तिमा भनिएको छ, ’कोभिड १९ को संक्रमणको यस महामारीको समयमा केही निजी अस्पतालहरूले नेपाल सरकारले तोकेको शुल्कभन्दा बढी शुल्क लिने गरेको भन्ने गुनासो प्राप्त भइरहेका छन् । अनावश्यक शुल्क लिने लगायतका गैरकानुनी गतिविधि गर्ने जुनसुकै व्यक्ति वा संस्थाउपर यस्ता गतिविधि नगर्नू/ नगराउनू हुन सचेत गराइन्छ।’