थप ६० जनामा कोरोना संक्रमण, ७२ जना संक्रमणमुक्त

काठमाडौं । नेपालमा थप ६० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा थप ६० जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २७५१७८ पुगेको छ ।

शनिबार थप ७२ जना संक्रमणमुक्त भएका छन् । योसँगै कोरोना संक्रमणमुक्त हुनेको संख्या २७१२४९ पुगेको छ । पछिल्लो २४ घण्टामा थप दुई जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ३०१४ पुगेको छ । क्वारेन्टाइनमा ४९ जना छन् भने आइसोलेसनमा ९१५ जना सक्रिय संक्रमित रहेका मन्त्रालयले जनाएको छ ।