थप ९७ जनामा कोरोना संक्रमण
काठमाडौं । नेपालमा थप ९७ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा थप ९७ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २७५०७० पुगेको छ ।
त्यस्तै बिहीबार थप ६६ जना संक्रमणमुक्त भएका छन् । योसँगै कोरोना संक्रमणमुक्त हुनेको संख्या २७१११६ पुगेको छ । कोरोना संक्रमणबाट पछिल्लो २४ घण्टामा कसैको पनि मृत्यु नभएको मन्त्रालयले जनाएको छ । क्वारेन्टाइनमा ५९ जना छन् भने आइसोलेसनमा ९४२ जना सक्रिय संक्रमित रहेका छन् ।
