थप ४७ जनामा कोरोना संक्रमण

काठमाडौं । नेपालमा थप ४७ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा थप ४७ जनालाई संक्रमण पुष्टि भएको हो । योसँगै नेपालमा कोरोना संक्रमितको संख्या २७४६५५ पुगेको छ ।

त्यस्तै शनिबार थप ६२ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २७०८२८ पुगेको छ । मन्त्रालयका अनुसार पछिल्लो २४ घण्टामा कोरोना संक्रमणबाट कसैको पनि मृत्यु भएको छैन । क्वारेन्टाइनमा ५५ जना छन् भने आइसोलेसनमा ८१७ जना सक्रिय संक्रमित रहेका छन् ।