थप ९४ जनामा कोरोना संक्रमण, ७१ जना संक्रमणमुक्त

काठमाडौं । नेपालमा थप ९४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा थप ९४ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २७३७६० पुगेको छ ।

त्यस्तै बुधबार थप ७१ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २७०१३९ पुगेको छ । पछिल्लो २४ घण्टामा कोरोना संक्रमणबाट थप एक जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या २६८४ पुगेको छ । क्वारेन्टाइनमा ६३ जना छन् भने आइसोलेसनमा ९३७ जना सक्रिय संक्रमित रहेका मन्त्रालयले जनाएको छ ।