थप ७८२ जनामा कोरोना संक्रमण, १०२९ जना संक्रमणमुक्त

काठमाडौं । नेपालमा थप ७८२ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ७८२ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २५२४७४ पुगेको छ ।

त्यसैगरी शुक्रबार थप १०२९ जना कोरोना संक्रमणमुक्त भएका छन् । योसँगै कोरोना संक्रमितको संख्या २४१३९२ पुगेको छ । त्यसैगरी पछिल्लो २४ घण्टामा थप १६ जनाको कोरोना संक्रमणबाट मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १७६५ पुगेको छ । क्वारेन्टाइनमा ४२७ जना रहेका छन् भने आइसोलेसनमा ९३१७ जना सक्रिय संक्रमित रहेका मन्त्रालयले जनाएको छ ।