डा. केसीलाई जबरजस्ती ट्रमा सेन्टर लगेको बिरोधमा समर्थकहरुद्वारा माइतीघरमा प्रदर्शन
काठमाडौं । चिकित्सा शिक्षा क्षेत्रको सुधारको माग गर्दै सत्याग्रहमा रहेका डा. गोविन्द्र केसीको माग पुरा गर्नुपर्ने र प्रहरीले जबरजस्ती ट्रमा सेन्टर लगेको बिरोधमा मंगलबार काठमाडौंको माइतीघरमा प्रदर्शन गरिएको छ ।
‘सोलिडारिटी फर डा. केसी एलायन्स’ ले मंगलबार गोविन्द केसीको तस्वीरले मुख ढाक्दै माइतीघरमा बिरोध प्रदर्शन गरेको हो । गोविन्द केसीको माग पुरा गर, गोविन्द केसीको जीवन रक्षा गर, लुटतन्त्र बन्द गर जस्ता प्लेकार्ड बोकेर झरीमा पनि प्रदर्शन गरिएको थियो ।
डा. केसीले अघि सारेका कोरोना भाइरस (कोभिड(१९) को पीसीआर परीक्षण व्यापक बनाउनुपर्ने, निःशुल्क गुणस्तरीय शिक्षा र स्वास्थ्यमा समान पहुँचको सुनिश्चिता हुनुपर्ने लगायतका माग पुरा गर्नुपर्ने प्रदर्शनमा सहभागीहरुको भनाई छ ।
