कोभिडका लागि शैया नछुट्याउने मेडिकल कलेजको पीसीआर परीक्षणको अनुमति खारेज गर्ने
काठमाडौं । स्वास्थ्य मन्त्रालयले सरकारको निर्देशन अनुसार कोरोनाका विरामीका लागि शैया नछुट्याउने मेडिकल कलेजको पीसीआर परीक्षणका लागि दिएको अनुमति खारेज गर्ने चेतावनी दिएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबार आयोजित पत्रकार सम्मेलनमा सरकारको निर्देशन पालना नगर्ने मेडिकल कलेजको पीसीआर परीक्षणका लागि दिएको अनुमति खारेज गर्ने चेतावनी दिएका हुन् ।
सरकारले निजी अस्पतालहरुले २० प्रतिशत र मेडिकल कलेजहरुले एक तिहाई शैया कोरोनाका विरामीका लागि छुट्टयाउनु पर्ने निर्णय गरेको छ । तर कोभिड र ननकोभिडका बिरामीलाई एउटै अस्पतालमा राखेर उपचार गर्नु घातक हुने निजी अस्पतालहरुले बताएका छन् ।
