अब निजी प्रयोगशालाले पनि कोरोना परीक्षण गर्न पाउने
काठमाडौं । सरकारले निजी प्रयोगशालाहरूलाई पनि कोरोनाभाइरसको परीक्षण गर्न दिने निर्णय गरेको छ । आइतबार स्वास्थ्य तथा जनसंख्या मन्त्रालयको नियमितत पत्रकार सम्मेलनमा प्रवक्ता डा. जागेश्वर गौतमले अब स्वीकृति लिएर संकलन भएका नमूनाहरू प्रकृया पूरा गरी निजी प्रयोगशालाहरूलाई पनि परीक्षण गर्न दिइने जानकारी दिएका हुन् ।
निजी प्रयोगशालामा परीक्षण गर्दा लाग्ने खर्च सरकारले व्यहोर्ने उनले बताए । पछिल्लो समय सरकारी प्रयोगशालाहरूले परीक्षण धान्न नसकेपछि सरकारले निजी प्रयोगशालाहरूलाई समेत परीक्षण गर्ने अनुमति दिएको हो । राष्ट्रिय जनस्वास्थ्य प्रयोगशालामा परीक्षणका लागि प्रस्ताव आह्वान गर्दा ९ वटा निजी प्रयोगशालाले परीक्षणको लागि आवदेन दिएका थिए ।
