बाजुराको आइसोलेसनमा मृत्यु भएकी बालिकामा कोरोना पोजेटिभ

डडेल्धुरा । बाजुरा जिल्ला अस्पातालको आइसोलेसनमा मृत्यु भएकी बालिकामा कोरोना संक्रमणको पुष्टि भएको छ । सेती प्रादेशिक प्रयोगशालामा स्वाब परीक्षण गर्दा उनमा कोरोना संक्रमण देखिएको हो ।

सुदूरपश्चिम प्रदेशमा कोरानाबाट ज्यान गएको यो पहिलो घटना हो । अस्पतालको आइसोलेसन वार्डमा उपचाररत बूढीगंगा नगरपालिका १ की दुई वर्षीया बालिकाको आइतबार बिहान मृत्यु भएको थियो । मृतक बालिकाकी आमालाई पनि कोरोना संक्रमण पुष्टि भएको छ ।

संक्रमित आमा पनि सदरमुकाम मार्तडीमा रहेको जिल्ला अस्पतालको आइसोलेसनमा राखिएको छ । एक साताअघि भारतबाट फर्किएकी ती बालिकालाई बूढीगंगा नगरपालिकाको क्वारेन्टाइनमा राखिएको थियो । ज्वरो र स्वासप्रश्वासमा समस्या आएपछि उनलाई अस्पतालको आइसोलेसनमा राखिएको थियो ।