कान्ति बाल अस्पतालमा गत आर्थिक वर्षमा दुई लाख भन्दा बढीको उपचार



काठमाडौं । कान्ति बाल अस्पतालले चालु आर्थिक वर्षको पुस महिनासम्म ७० हजार बालबालिकालाई ओपीडी सेवा दिएको जनाएको छ । अस्पतालको ५८ औं वार्षिकोत्सव कार्यक्रममा दिइएको जानकारी अनुसार ओपीडीतर्फ ७० हजार र आकस्मिकतर्फ २७ हजार बालकालिकालाई सेवा दिइएको छ ।

अस्पतालका निर्देशक डाक्टर आर.पी. बिच्छाले गत आर्थिक वर्षमा ओपीडीतर्फ १ लाख ५५ हजार र आकस्मिकतर्फ ५५ हजार बालबालिकालाई सेवा दिइएको जानकारी दिए । हरेक वर्ष १० देखि १२ प्रतिशत सेवाग्राही बढेको उल्लेख गर्दै बिच्छाले गतवर्ष २ हजार बालबालिकाको शल्यक्रिया गरिएको र १० हजारले अन्तरंग सेवा लिएका बताए ।

कान्तिमा आइसियु शैयाको अभावका कारण देशका विभिन्न ठाउँबाट आउने विरामीलाई अन्य पठाउनुपर्ने अवस्था अझै पनि रहेको उनले बताए । विज्ञहरुको सल्लाह अनुसार दुई महिना पहिले १० शैयाको इन्टरमिडियट केयर युनिट स्थापना गरिएपछि करिब ७० प्रतिशत बालकालिकालाई निजी अस्पतालमा रिफर गर्नुपर्ने बाध्यता हटेको उनले बताए ।

कान्ति बाल अस्पतालले अहिले २४ घण्टे सिटिस्क्यान सेवा सुरु गरेको छ, भने २ सिफ्टमा अल्ट्रासाउण्ड सेवा प्रदान गरिरहेको छ । अबको एक वर्षभित्र करिब ५० जना बस्न मिल्ने कुरुवा घर निर्माण गर्ने योजना अस्पतालले बनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
थप ११ जनामा सङ्क्रमण पुष्टि

काठमाडौं । देशभर पछिल्लो २४ घण्टामा थप ११ मा कोरोना भाइरस सङ्क्रमण पुष्टि

कान्ति बाल अस्पतालमा ‘सारिकादेवी चौधरी आकस्मिक कक्ष’ स्थापना

काठमाडौं । कान्ति बाल अस्पतालमा ‘सारिकादेवी चौधरी आकस्मिक कक्ष’ सञ्चालनमा आएको छ ।

थप ४ जनामा कोभिड संक्रमण,१८ जना संक्रमणमुक्त

काठमाडौं । पछिल्लो २४ घण्टामा थप ४ जनामा कोभिड संक्रमण पुष्टि भएको छ

थप १३ जनामा कोभिड संक्रमण, १७ जना संक्रमणमुक्त

काठमाडौं । पछिल्लो २४ घण्टामा थप १३ जनामा कोभिड संक्रमण पुष्टि भएको छ