महिनावारीको समयमा हुने विभेदबिरुद्ध पूर्वमिस नेपालहरुले थाले अभियान
काठमाडौं । महिनावारीको समयमा हुने भेदभावबिरुद्ध शनिबार काठमाडौँमा कार्यक्रमको आयोजना गरिएको छ । पूर्व मिसन नेपालहरुको समूहले महिनावारीको समयमा हुने भेदभाव बिरुद्धको अभियान सुरु गरेका हुन् ।
महिनावारीको समयमा परिवार समाजमा हुनेभेदभाव, विद्यालयमा शौचालयको अभाव, प्याड उपलब्ध नहुने कारणले पढाई नै छोड्नु पर्ने अवस्था कम गर्न अभियान थालेको पूर्व मिस नेपाल सुगारिका केसीले जानकारी दिइन् ।
कार्यक्रममा संकलन हुने रकमले दुर्गम क्षेत्रका बिद्यालयमा स्यानिटरी प्याडको वितरण गर्ने र व्यबस्थित शौचालय बनाउने उनले बताइन् । पूर्वमिस नेपालहरुको समुहले मितिनी नामको गैरसरकारी संस्थासँग मिलेर देशभरि अभियान संचालन गर्नेछन् ।
