औषधि व्यवसायी संघ काठमाडौं शाखामा बद्री श्रेष्ठको प्यानल विजयी
काठमाडौं । नेपाल औषधि व्यवसायी संघ काठमाडौं शाखामा बद्रीप्रसाद श्रेष्ठको प्यानल विजयी भएको छ । शनिबार भएको अधिवेशनले अध्यक्षमा बद्रीप्रसाद श्रेष्ठलाई निर्वाचित गरेको छ ।
श्रेष्ठ ३६३ मत ल्याई अध्यक्षमा निर्वाचित भएका हुन् । श्रेष्ठले गेहेन्द्रप्रसाद मिश्रलाई पराजित गरेका हुन् । मिश्रले २४८ मत प्राप्त गरेका थिए ।
त्यसैगरी उपाध्यक्षमा नवराज खनाल, महासचिवमा शुभमान श्रेष्ठ, कोषाध्यक्षमा प्रकाश न्यौपाने, सचिवमा देविन्द्रकुमार न्यौपाने, उपकोषाध्यक्षमा शंकर महर्जन तथा सदस्यहरुमा रत्नबहादुर कार्की, पंचकुमार श्रेष्ठ र मीनाकुमारी कँडेल विजयी भएका छन् ।
