चुनाव प्रचारमा जानुको सट्टा किन गए कांग्रेस पूर्वसभापति देउवा सिंगापुर ?

काठमाडौं । नेपाली कांग्रेसका पूर्वसभापति शेरबहादुर देउवा सिंगापुर प्रस्थान गरेका छन् । बुधबार राति सिंगापुर एयरलाइन्सको उडानबा देउवा सिंगापुर प्रस्थान गरेका हुन् ।

उनी स्वास्थ्य उपचारका लागि भन्दै सिंगापुर गएका हुन् । पार्टी विशेष महाधिवेशनबाट गगन थापाको नेतृत्वमा नयाँ कार्यसमिति चयन भएपछि देउवा राजनीतिकरुपमा निष्क्रिय बसेका छन् ।

यसअघि जेनजी आन्दोलनका क्रममा भदौ २४ गते कुटपिट भएपछि देउवा दम्पत्ति उपचारका लागि सिंगापुर गएका थिए । निर्वाचनका बेला चुनाव प्रचारमा जानुपर्ने देउवा सिंगापुर प्रस्थान गर्नुलाई अर्थपूर्णरुपमा हेरिएकोछ ।