उम्मेदवारलाई चुनावी सभालगायतका कार्यक्रम बिहान सात बजेदेखि साँझ सात बजेसम्म मात्र गर्न आयोगको निर्देशन

काठमाडौं । निर्वाचन आयोगले राजनीतिक दल र उम्मेदवारहरूलाई ६४ बुँदे निर्देशन जारी गरेको छ । आयोगले आइतबार प्रतिनिधिसभा सदस्य निर्वाचनका लागि ६४ बुँदे निर्देशन जारी गरेको हो ।

आयोगले निर्वाचन प्रचारप्रसार, आमसभा तथा जुलुसमा बालबालिकाको प्रयोग गर्न नपाइने स्पष्ट पारेको छ । आर्थिक सहायता, चन्दा, पुरस्कार दिन आयोगले रोक लगाएको छ ।

आयोगले जुलुस, प्रचारप्रसारका निम्ति समयसीमा तोकेको छ । आयोगले जुलुस, आमसभा, कोणसभा, भेला वा प्रचारप्रसारका कार्यक्रम गर्दा बिहान सात बजेदेखि साँझ सात बजेसम्म मात्र गर्न निर्देशन दिएको छ ।