काठमाडौँ । नेपाली कांग्रेसका ६५ सहित ६८ जना सांसदले प्रतिनिधिसभा पुनःस्थापनाको माग गर्दै सर्वोच्च अदालतमा पूरक निवेदन दर्ता गराएका छन् ।
विघटित प्रतिनिधिसभामा नेपाली कांग्रेसकी सचेतक सुशीला थिङले ६८ जना सांसदले लिखित हस्ताक्षरसहित वारेशनामामार्फत पूरक निवेदन दर्ता गराएको जानकारी दिइन् । उनले रिटको बुधबार नै संवैधानिक इजलासमा पेसी तोकिएको जानकारी दिइन् ।
एमालेले यसअघि नै ७५ जनाको हस्ताक्षरसहित निवेदन दिइसकेको छ । मंगलबार कांग्रेसका ६५ बाहेक स्वतन्त्र, जनमत र जसपाका एक–एक सांसदको गरी ६८ जनाको हस्ताक्षर बुझाइएको थियो ।
यसअघि कांग्रेस र एमालेले दिएको छुट्टाछुट्टै रिटमाथि प्रारम्भिक सुनुवाइ गर्दै सर्वोच्चले प्रतिनिधिसभा विघटनविरुद्ध अन्तरिम आदेश दिन अस्वीकार गरेको थियो।
प्रतिक्रिया