सुनको मूल्य प्रतितोला दुई हजार एक सय रुपैयाँ बढ्यो
काठमाडौँ । अन्तर्राष्ट्रिय बजारमा सुनको मूल्य वृद्धि भएसँगै स्थानीय बजारमा मंगलबार प्रतितोला सुन दुई हजार एक सय रुपैयाँ बढेको छ ।
सोमबार प्रतितोला एक लाख ५० हजार एक सयमा कारोबार भएको सुन मंगलबार बजार खुल्दा एक लाख ५२ हजार दुई सय कायम भएको नेपाल सुनचाँदी व्यवसायी महासङ्घले जनाएको छ । यसैगरी, चाँदीको मूल्य प्रतितोला ६० रुपैयाँले बढेर एक हजार नौ सय २५ रुपैयाँकायम भएको छ ।
