सूर्य नेपालले गर्यो भूकम्प पीडितलाई एक करोड सहयोग
काठमाडौं । सूर्य नेपालले भूकम्प प्रभावितहरूलाई एक करोड नगद सहयोग गरेको छ । जाजरकोट र रुकुम पश्चिमका भूकम्प प्रभावितलाई सहयोग गर्नका लागि सूर्य नेपालले प्रधानमन्त्री दैवी प्रकोप उद्दार कोषमा एक करोड हस्तान्तरण गरेको हो ।
मंगलबार सूर्य नेपालका उपाध्यक्ष रवि केसी लगायतको टोलीले प्रधानमन्त्री पुष्पकमल दाहाल प्रचण्डलाई भेटेर एक करोडको चेक हस्तान्तरण गरेका छन् । भूकम्प प्रभावित र पीडितको उद्धार एवं राहतका लागि सो रकम सहयोग गरिएको कम्पनीले जनाएको छ ।
