अर्घाखाँची सिमेन्टले थाल्यो भारत निर्यात
काठमाडौं । अर्घाखाँची सिमेन्टले भारतमा निर्यात शुरू गरेको छ । अर्घाखाँची सिमेन्टले पहिलो पटक १४ सय बोरा सिमेन्ट भारतमा पठाएको हो ।
सरकारले सिमेन्ट निर्यातमा ८ प्रतिशतसम्म नगद अनुदान दिने निर्णय गरेसँगै व्यवसायी निकासी गर्न तयार भएका हुन् ।
सरकारले निर्यातको कार्यविधि बनाएसँगै अर्घाखाँची सिमेन्टले निर्यात थालेको छ । सरकारले ३० प्रतिशत मूल्यअभिवृद्धि गरी ५० करोडमाथिको निर्यात गर्दा ८ प्रतिशतसम्म नगद अनुदान र ५० करोडमुनिको निर्यात गर्दा सिमेन्टमा ४ प्रतिशत नगद अनुदान दिने निर्यात प्रोत्साहन कार्यविधि बनाएको छ । गत असारमा तानसेन सिमेन्टले पनि निर्यात थालेको थियो।
