सुनको मूल्य तोलामा चार सय रुपैयाँले उकालो लाग्यो
काठमाडौं । सोमबार सुनको मूल्य प्रतितोला चार सय रुपैयाँले बृद्धि भएको छ । अघिल्लो सातादेखि ओरालो लागेको सुनको मूल्य आइतबार पनि ओरालो नै लागेको थियो । नेपाल सुनचाँदी व्यवसायी महासङ्घले आजका लागि तय गरेको मूल्यसूचीअनुसार सुन तोलामा ४०० रुपैयाँले उकालो लागेको छ । प्रतितोला ८८ हजार ३०० रुपैयाँमा आइतबार कारोवार भएकोे छापावाला सुन आज भने ८८ हजार ७०० रुपैयाँ मूल्य कायम भएको छ ।
त्यसैगरी तेजाबी सुनको मूल्य आइतबार प्रतितोला ८७ हजार ८५० हजार रुपैयाँमा कारोवार भएकामा आजका लागि ८८ हजार २५० रुपैयाँ कायम भएको महासङ्घले जनाएको छ । तोलामा एक हजार ३२५ रुपैयाँमा आइतवार कारोवार भएको चाँदी आजका लागि भने पाँच रुपैयाँले वृद्धि भई एक हजार ३५० रुपैयाँ मूल्य निर्धारण भएको छ ।
