सुनको मूल्य तोलामा आठ सय रुपैयाँले बृद्धि

काठमाडौं । साताको पहिलो दिन आइतवार नेपाली बजारमा सुनको मूल्यमा वृद्धि भएको छ । आइतबार छापावाल सुन प्रति तोला ८९ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । शुक्रवार छापावाल सुन प्रति तोला ८८ हजार २ सय रुपैयाँमा कारोबार भएको थियो ।

अघिल्लो दिनको तुलनामा आज सुनको मूल्य प्रति तोला ८ सय रुपैयाँले वृद्धि भएको हो । आइतवार तेजाबी सुन प्रति तोला ८८ हजार ५ सय ५० रुपैयाँमा कारोबार भइरहेको छ । अघिल्लो दिन यस्तो सुन प्रति तोला ८७ हजार ७ सय ५० रुपैयाँमा कारोबार भएको थियो । महासंघका अनुसार, चाँदी प्रति तोला १ हजार ३ सय ३० रुपैयाँमा कारोबार भएको छ । अघिल्लो दिन चाँदी प्रति तोला १ हजार ३ सय ५ रुपैयाँमा कारोबार भएको थियो ।