६ सय रुपैयाँले उकालो लाग्यो सुनको मूल्य

काठमाडौं । सुनको मूल्यमा बिहीबार पनि वृद्धि भएको छ । नेपाल सुन चाँदी व्यवसायी महासङ्घले बिहीबारका लागि तोकेको मूल्यअनुसार छापावाल सुन तोलामा ६०० रुपैयाँले उकालो लागेको छ ।

प्रतितोला ९२ हजार ५०० रुपैयाँमा बुधबार कारोवार भएको छापावाल सुन बिहीबार भने ९३ हजार १०० रुपैयाँमा कारोवार हुने गरी मूल्य निर्धारण भएको छ ।

यस्तै तेजाबी सुन प्रतितोला ९२ हजार ६०० रुपैयाँमा कारोवार भएको छ । तेजाबी सुन बुधबार तोलामा ९२ हजारमा कारोवार भएको थियो । यस्तै चाँदी तोलामा १५ रुपैयाँले बढेको छ । एक हजार २६० रुपैयाँमा बुधबार कारोवार भएको चाँदी बिहीबार भने एक हजार २७५ रुपैयाँ मूल्य निर्धारण भएको छ ।