सुन प्रतितोला करिव दश हजार रुपैयाँले महंगियो, प्रतितोला ८७ हजार रुपैयाँ

काठमाडौं । लकडाउनका कारण चैत ११ गतेदेखि बन्द भएको सुनचाँदीको कारोबार आइतबारबाट सुरु भएको छ । आइतबार छापावाल सुनको मूल्य तोलाको ८७ हजार ४०० रुपैयाँ तय भएको छ भने तेजावी सुनको मूल्य ८६ हजार ९६० रुपैयाँ कायम भएको छ । सुनको मूल्य लकडाउनअघि चैत १० मा प्रतितोला ७७ हजार रुपैयाँ थियो ।

लकडाउनपछि सुनको मूूल्य प्रतितोला करिब १० हजार रुपैयाँले बढेको छ । सरकारले बजेटमार्फत भन्सार दर बढाएपछि सुन महंगिएको हो । नेपाल सुन चाँदी ब्यवसायी महासंघले आइतबार चाँदीको मूल्य प्रतितोला ९२५ रुपैयाँ तोकेको छ ।