लकडाउनले प्रभावित क्षेत्रलाई सम्बोधन गर्नेगरि बजेट ल्याउन सरकारलाई पूर्वअर्थमन्त्रीहरुको सुझाव
काठमाडौं । पूर्वअर्थमन्त्रीहरुले लकडाउनका कारण प्रभावित क्षेत्रहरुलाई अधिकतम सम्बोधन गर्नेगरि आगामी बजेट आउनुपर्ने बताएका छन् । आगामी आर्थिक वर्षको लागि बजेटको प्राथमिकताका बारेमा विधायन व्यवस्थापन समितिले आइतबार गरेको छलफलमा उनीहरुले लकडाउनले प्रभावित बिभिन्न क्षेत्रलाई सम्बोधन गर्नेगरि बजेट आउनुपर्ने धारणा राखेका हुन् ।
आर्थिक बृद्धिमा गिरावट आउनुको कारण नै उद्योग, पर्यटन, होटल लगाएत अन्य क्षेत्रहरु ठप्प भएको उनीहरुको भनाई छ । पूर्वअर्थमन्त्री सुरेन्द्र पाण्डेले राजस्व, बिप्रेषण लगाएका क्षेत्रमा भएका क्षति अर्को बर्षपनि असर पार्ने भएकाले यी क्षेत्रलाई सरकारले प्राथमिकतामा राख्नुपर्ने बताए । माग र आपूर्तिको सन्तुलन बिग्रेकाले यसको असर रोजगारको क्षेत्रमा पनि पर्ने उनको भनाई थियो । त्यस्तै पूर्वअर्थमन्त्री डा रामशरण महतले लक्ष्य हासिल गर्ने र कायान्वयन हुने गरि बजेट ल्याउनुपर्ने सुझाव दिए ।
अहिले पूँजिगत खर्च पुरा हुन सक्ने अवस्था नरहेको भन्दै उनले आगामी बर्ष यसलाई बिशेष ध्यान दिनुपर्ने बताए । उनले बेरोजगारीको क्षेत्र आगामी बर्षको समस्या हुन सक्ने भएकाले रोगजारलाई प्राथगमिकतामा राख्न पनि सुझाव दिए । छलफलका क्रममा पूर्वअर्थमन्त्रीहरुले अनुदानमा दिइने रकमको दुरुपयोग भएको भन्दै अब मापदण्डको आधारमा दिनुपर्ने बताए । अहिलेको अवस्थामा सामाजिक दुरी कायम गरि केहि व्यवसायहरुलाई सुरु गर्नदिनुपर्ने सुझाव पनि उनीहरुले दिए ।
