तत्काल सामाजिक सुरक्षा कोषमा जान नसकिने ग्रील व्यवसायीको भनाई
काठमाडौं । ग्रील तथा स्टील व्यवसायीहरुले तत्काल सामाजिक सुरक्षा कोषमा जान नसकिने बताएका छन् । सरकारले सामाजिक सुरक्षा कोषमा अनिवार्य जानैपर्ने नियम बनाएपनि तत्काल त्यो अवस्था नरहेको व्यवसायीहरुले बताएका हुन् ।
ग्रील तथा स्टील व्यवसायी महासंघका अध्यक्ष मोहन कटुवालले तत्काल सामाजिक सुरक्षा कोषमा जान सक्ने अवस्था नभएपनि ढिलो चाँडो जानैपर्ने बताए । न्यूनतम पारिश्रमिक दिनुपर्ने अवस्थामा पनि समस्या भइरहेको बेला सामाजिक सुरक्षा कोषमा तत्काल जान नसकिने उनको भनाई थियो । उनले न्यूनतम पारिश्रमिक नपाउने/दिन नसकिएको समस्या सामाधानका लागि पहल गर्ने बताए ।
उनले संघभित्र देखिएका कमिकमजोरीहरु हटाएर अगाडी बढ्ने विश्वास पनि ब्यक्त गरे ।
