काठमाडौंको भृकुटीमण्डपमा भौचर मेला
काठमाडौं । काठमाडौंको भृकुटीमण्डपमा सोमबारदेखि भौचर मेला सुरु भएको छ । व्यवसायिक शिक्षा तथा तालिम अभिवृद्धि परियोजनाले भौचरमा आधारित तालिम मेला आयोजना गरेको हो ।
परियोजनाका उपनिर्देशक सुदर्शन मरहठ्ठाले आर्थिक वर्ष २०७६/०७७ मा ७ हजार ५ सय जनालाई तालिम दिई रोजगारी उपलब्ध गराउने योजना अनुरुप भौचरमा आधारित तालिमका लागि मेलाको आयोजना गरिएको जानकारी दिए ।
उनले मेलामा ५८ वटा तालिम प्रदायक संस्थाहरुका स्टल रहेका र सहभागीहरुले इच्छा लागेको विषयको तालिम आफूलाई पायक पर्ने संस्थाबाट लिन सक्ने बताए । मेलामा १० हजार ९ सय ४१ जना सहभागीहरु छनौट भएका छन् । मेला मंगलबारसम्म चल्नेछ ।
