सनराईज बैंकले तीन अर्बको ऋणपत्र जारी गर्ने
काठमाडौं । सनराईज बैंकले व्यापार विस्तारका लागि थप तीन अर्बको ऋणपत्र जारी गर्ने भएको छ । बैंकले मंगलबार काठमाडौंमा पत्रकार सम्मेलन गरी मुलुककै पूँजी बजारको विस्तारका लागि बुधबारबाट सो रकम बराबरको ऋण पत्र निश्कासन गर्ने जानकारी गराएको हो ।
वार्षिक १० दशमलव २५ प्रतिशत व्याजदरमा ऋण पत्र जारी हुँदैछ । निरन्तर उच्च प्रतिफल लिईरहने ग्राहकका लागि सो ऋण पत्र अति उपयोगी हुने बैंकका प्रमुख कार्यकारी अधिकृत जनक शर्मा पौडेलले बताए ।
बैंकको ऋण पत्र ७ वर्ष अवधिको हुनेछ । त्यसको ब्याजको भुक्तानी ६/६ महिनामा गर्ने योजना पनि तय गरिएको बैंकले जनाएको छ ।
बैंकका ऋण पत्र चाँडोमा कार्तिक २४ गते र त्यस भित्र विक्री नभएमा मंसीर १९ गतेसम्म विक्री खुला हुने समय पनि निर्धारण गरिएको छ ।
ऋण पत्रको निष्काशन तथा विक्री प्रबन्धक भने सिद्धार्थ क्यापिटल रहेको छ । ऋण पत्रका लागि बैंकको सबै कार्यालयबाट आवेदन दिन सकिने व्यवस्था पनि गरिएको बैंकका प्रमुख कार्यकारी अधिकृत पौडेलले जानकारी दिए ।
