गुरु नानकको ५५० औँ जन्मोत्सवको अवसरमा राष्ट्र बैंकद्वारा सिक्का निष्कासन
काठमाडौं । नेपाल राष्ट्र बैंकले गुरु नानक देवको ५५० औँ जन्मोत्सवको अवसरमा विभिन्न दरका सिक्का निष्कासन गरेको छ ।
नेपाल राष्ट्र बैंकका गभर्नर डा चिरञ्जीवी नेपाल र नेपालका लागि भारतका राजदूत मञ्जिभसिंह पुरीले ती सिक्का शुक्रबार आयोजित समारोहमा सार्वजनिक गरेका हुन् ।
गुरु नानकको सम्मानमा निष्कासन गरिएका सिक्का १००, १००० र २५०० रुपैयाँ मूल्य दरका भएको बैंकका प्रवक्ता लक्ष्मीप्रसाद निरौलाले जानकारी दिए ।
समारोहमा शिख हेरिटेज अफ नेपाल नामक पुस्तक पनि सार्वजनिक गरियो । सो अवसरमा शिख समुदायबाट नेपालको विकास र समृद्धिमा हँुदै आएको योगदानबारे जानकारी गराइएको थियो ।
