ज्येष्ठ नागरिकलाई हवाई भाडामा ५० प्रतिशत छुट



काठमाडौं । वायुसेवा सञ्चालक संघ, नेपालले आन्तरिक उडानमा ७० वर्ष माथिका विपन्न ज्येष्ठ नागरिकलाई हवाई भाडामा ५० प्रतिशत छुट दिने निर्णय गरेको छ ।

संघका अध्यक्ष रामेश्वर थापाले शुक्रबार विज्ञप्ति जारी गरेर संघमा आवद्ध आन्तरिक उडानका वायुसेवा कम्पनीहरुले ७० वर्ष माथिका विपन्न ज्येष्ठ नागरिकलाई हवाई भाडामा ५० प्रतिशत छुट दिने निर्णय गरिएको जनाएका हुन् ।

उनले बिहीबार बसेको कार्यसमिति बैठकले घटस्थापनाका दिनबाट उक्त छुट सुविधा लागु हुने पनि बताएका छन् । ७० वर्ष माथिका विपन्न ज्येष्ठ नागरिकले हवाई भाडामा ५० प्रतिशत छुट पाउनका लागि सम्वन्धित वायुसेवा कम्पनीको कार्यालयमा पुगेर स्वयमले आफू विपन्न भएको व्यहोरा स्व–घोषणा गर्नुपर्ने संघले जनाएको छ । उक्त छुट सुविधा ‘अपर लिमिट’ को हवाई भाडादरमा मात्र लागु पनि संघले बताएको छ ।

टंक रुटमा हवाई सेवा सञ्चालन गर्ने वायुसेवा कम्पनीहरुले प्रतिदिन प्रति सेक्टरमा दुईजना र स्टल रुटमा हवाई सेवा सञ्चालन गर्ने वायुसेवा कम्पनीहरुले प्रतिदिन प्रति सेक्टरमा एक जना विपन्न ज्येष्ठ नागरिकलाई मात्र छुट सुविधा उपलव्ध गराउने अध्यक्ष थापाद्वारा जारी विज्ञप्तिमा उल्लेख छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
विज्ञहरु भन्छन् -निजगढ विमानस्थलको विकल्प छैन

सिबी अधिकारी, काठमाडौँ । हवाई यात्रुको बढ्दो चाप व्यवस्थापनका लागि निजगढ अन्तर्राष्ट्रिय विमानस्थलको

नीतिगत प्राथमिकता र न्यूनतम कार्यक्रमको कार्ययोजना तयार

काठमाडौं । अर्थ मन्त्रालयले नीतिगत प्राथमिकता र न्यूनतम कार्यक्रम कार्यान्वयनका लागि कार्ययोजना तयार

शेयर बजारमा ३ अर्ब रुपैयाँको कारोबार

काठमाडौं । साताको पहिलो दिन आइतबार शेयर बजार दोहोरो अङ्कले घटेको छ ।

काभ्रेको कुशादेवी क्षेत्रमा प्याराग्लाइडिङ सञ्चालन अनुमति

काभ्रे । काभ्रेको पनौती नगरपालिकास्थित कुशादेवी क्षेत्रमा प्याराग्लाइडिङ सञ्चालन गर्न अनुमति दिइएको छ