व्यापार घाटा १३ दशमलव ९ प्रतिशतले घट्यो



काठमाडौं । चालु आर्थिक वर्षको पहिलो महिनामा देशको व्यापार घाटा केही घटेको छ। नेपाल राष्ट्र बैंकको तथ्यांकअनुसार साउन महिनामा व्यापार घाटा १३।९ प्रतिशतले घटेको छ। जवकि अघिल्लो वर्षको साउनमा व्यापार ५९.१ प्रतिशतले बढेको थियो।

निर्यात बढ्नु र आयात घट्नुले व्यापार घाटामा राहत मिलेको हो। साउनमा मुलुकको व्यापार घाटा ९७ अर्ब ८९ करोड कायम भएको छ।

साउनमा कुल निर्यात २७.७ प्रतिशतले वृद्धि भएको छ। जवकि गत वर्षको साउनमा जम्मा ३. २ प्रतिशतले मात्रै निर्यात बढेको हो। एक महिनामा ८ अर्ब ८४ करोड रुपैयाँको बस्तु निर्यात भएको छ।

यसअवधिमा भारततर्फ ५१.८ प्रतिशत र चीनतर्फ १३२.९ प्रतिशतले निर्यात वृद्धि भएको हो भने अन्य मुलुकतर्फको निर्यातमा ९.२ प्रतिशतले कमी आएको छ।

नेपालले अलैंची, दन्त मन्जन, जुटका सामान, पोलिष्टर यार्न, लगायतका वस्तुको निर्यात बढाएको छ भने जस्ता पाता, जुस, तयारी पोशाक, पश्मिना, ऊनी गलैंचा लगायतका वस्तुहरुको निर्यात घटेको छ।

साउनमा कुल आयात भने ११. ५ प्रतिशतले घटेको छ। जवकि गत वर्षको साउनमा यस्तो आयात ५४।३ प्रतिशतले बढेको थियो। एक महिनामा कुल १ खर्ब ६ अर्ब ७३ करोड रुपैयाँको बस्तु आयात भएको छ।

मुलुकका आधारमा भारत तथा अन्य मुलुकबाट भएको आयात क्रमशः ४.५ प्रतिशत र ४१.२ प्रतिशतले घटेको छ। यस्तै, चीनबाट भएको आयात २४.० प्रतिशतले बढेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नौ महिनामा सात खर्ब २९ अर्ब विप्रेषण भित्रियो

काठमाडौं । चालु आर्थिक वर्षको नौ महिनामा कूल सात खर्ब २९ अर्ब दुई

महासंघद्वारा ‘एफएनसीसीआई कोभिड–१९ हेल्प डेस्क’ स्थापना

काठमाडौं । बढ्दो कोरोना संक्रमण रोकथाम तथा नियन्त्रण गरी आमसर्वसाधारणको जीवन रक्षार्थ सहयोग

नेप्सेमा उच्च अङ्कको वृद्धि, बजार पूँजीकरण पुनः ३७ खर्ब माथि

काठमाडौं । कोरोनाको दोस्रो लहरले जनजीवन प्रभावित भएको भएपनि धितोपत्र बजारमा शेयर कारोवार

बैंक तथा वित्तीय संस्थाका २५ प्रतिशत मात्रै शाखा खोल्न पाइने

काठमाडौं । बैंक तथा वित्तीय संस्थाले अब काठमाडौँ उपत्यकामा २५ प्रतिशत मात्रै शाखा