प्रचण्डकी नातिनी स्मिताले ल्याइन् ‘आमा’
काठमाडौं । गायिका स्मिता दाहालको नयाँ गीत ‘आमा’ सार्वजनिक भएको छ । गीतमा शब्द र संगीत सिर्जना चेतन सापकोटाले गरेका छन् भने संगीत संयोजन गोपाल रसाइलीले गरेका छन्।
गीतको मिक्सिङ, मास्टरिङ र रेकर्डिङ श्याम बगडासले स्टुडियो डोरेमीमा सम्पन्न गरेका हुन् । गीतले आमाको माया, संघर्ष र समर्पणलाई संगीतमार्फत जीवन्त रूपमा प्रस्तुत गरेको छ ।
भिडियोमा गायिका स्मिता दाहाल स्वयं र अभिनेता आकाश श्रेष्ठले मुख्य भूमिकामा अभिनय गरेका छन्। त्यस्तै बाल कलाकार दीप्शिका श्रेष्ठको समेत सशक्त उपस्थिति देख्न सकिन्छ। भिडियोको छायांकन नवराज उप्रेती र सम्पादन तथा रङ संयोजन विकास ज्ञवालीले गरेका छन् ।
