रोज पौडेल निर्देशित फिल्म ‘कोशेढुंगा’को शुभमुहूर्त
काठमाडौं । फिल्म ‘कोशेढुंगा’को शुभमुहूर्त गरिएको छ । ऐतिहासिक ब्लकबस्टर फिल्म ‘पूर्ण बहादुरको सारङ्गी’ फेम्ड निर्देशक सरोज पौडेलले निर्देशन गर्ने फिल्मको बुधबार शुभमुहूर्त गरेका हुन् ।
निर्देशक, निर्माता, कलाकार र प्राविधिकको उपस्थितिमा फिल्मको मुहूर्त गरिएको हो । च्यासलस्थित सेटमा मुहूर्त सटसँगै फिल्मको छायांकन आजैबाट सुरु भएको निर्देशक पौडेलले जानकारी दिए ।
करिब एक हप्ता काठमाडौंमा छायाँकन गरेपछि निर्माण युनिट बाँकी फिल्मको सुटिङका लागि स्याङ्जा जानेछ । फिल्ममा सुरक्षा पन्त, आर्यन सिग्देल, सरोज खनाल, विशाल पहाडी, शेखर चापागाईं, शिरु विष्ट, उद्वव सापकोटा, सन्ध्या राना, सविता रेग्मी, सविन कट्टेल, विकास खनाललगायत छन् ।
नरदेवी फिल्मसको प्रस्तुति रहेको फिल्ममा प्रेविल कँडेल र किशोर अनुराग निर्माता छन् । कार्यकारी निर्मातामा दिनेश खड्का छन् । बाबु श्रेष्ठको डीओपी रहने फिल्ममा सुरेन्द्र पौडेलको सम्पादन, रिदम कँडेल र आषिश अविरलको संगीत, सुवलमणि सापकोटाको कास्टिङ छ । फिल्म २०८२ मा रिलिज हुनेछ ।
