विजय बराल ‘जनै हराएको बाहुन’ मा अनुबन्धित
काठमाडौं । हिमाल न्यौपाने निर्देशित फिल्म ‘जनै हराएको बाहुन’ मा अभिनेता विजय बराल अनुबन्धित भएका छन् ।
फिल्ममा प्रमुख भूमिकाको लागि विजयलाई अनुबन्ध गरिएको निर्देशक न्यौपानेले बताएका छन् । फिल्मको कथा, पटकथा र संवाद भने भानुभक्त ढकालले लेखेका हुन् ।
पेपरक्लिप प्रालिले बनाउन लागेको फिल्मले गाउँबाट सहर आएका एक सरल व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनलाई केन्द्रमा राख्नेछ ।
फिल्मका निर्मातामा सिआर बस्नेत, कमल न्यौपाने, आरके मानन्धर, विमल न्यौपाने, फिलिप डिसी र निशान्त श्रेष्ठ रहेका छन्। फिल्ममा नवीन गुरुङ छायांकारका रूपमा रहेका छन् भने क्रियटिभ निर्देशक सम्राट महर्जन ‘ज्याक’ हुन् ।
