आनी छोइङको ‘जिन्दगीको पाठशाला’मा मिथिला शिक्षिका बनेपछि…
काठमाडौं । आनी छोइङ डोल्माको स्वरमा रहेको गीत ‘जिन्दगीको पाठशाला’ सार्वजनिक भएको छ । प्रशासनविद् एवं गीतकार डा.दामोदर रेग्मीको शब्द सिर्जना, कीर्ति न्यौपानेको संगीत, पुरुषोत्तम सुवेदीको एरेञ्ज र किशोर थापाको मिक्सिङ÷माष्टरिङ रहेको गीतको भिडियो सार्वजनिक भएको हो ।
कृष्णदेव रूपाखेतीको निर्देशन रहेको गीतको भिडियोमा मिथिला शर्माले शिक्षिका र समाजसेवीको भूमिका निर्वाह गरेकी छन् ।
गीतमा सकारात्मक भाव समेटिएको छ । गीतको भिडियो ओएसआर डिजिटलमार्फत सार्वजनिक गरिएको हो । गीतको भिडियोमा काठमाडौँको दरबार हाइस्कुल, भानुभक्त मावि र कीर्तिपुरको पुष्प सदन मावि र स्वयम्भूमा दृश्य कैद गरिएको छ । भिडियोमा कलाकारमा नायक राकेश खड्का, स्त्रीरोग विशेषज्ञ डा. मनिषा आचार्य लगायतको भूमिका समेत रहेको छ।
