फिल्म ‘ममी’को टिजर सार्वजनिक
काठमाडौं । हरर फिल्म ‘ममी’को टिजर सार्वजनिक भएको छ । माघ २५ बाट प्रदर्शनमा आउने फिल्मको निर्माण पक्षले आइतबार टिजरमा सार्वजनिक गरेको हो ।
फिल्मका मुख्य कलाकार प्रियंका कार्की, दिया मास्के र सुलक्षण भारतीलगायतलाई स्थान दिइएको छ । कालो बिरालो ‘अशुभ’ हुन्छ भन्ने मान्यतालाई टिजरमा अटाउने प्रयास गरिएको छ । फिल्ममा प्रियंका, दिया, शुलक्षणसहित समिप निरौला, धनश्याम जोशी, आयुषी ढकाल लगायतको अभिनय रहेको छ ।
एस ट्वान्टी फाइभको प्रस्तुतीमा निर्माण भएको यही फिल्मबाट समर निरौलाले निर्देशनमा डेब्यू गर्दैछन् । समर र पूर्णिमाको लेखन रहने यस फिल्मको निर्माता लोकराज जोशी र पूर्णिमा आफैँ हुन् ।
