‘बुलाकी’लाई ‘सर्वोत्कृष्ट फिल्म’को ट्रफी प्रदान
काठमाडौं । २०८० सालमा रिलिज भएका चलचित्रमध्ये बुलाकी सर्वोत्कृष्ट चलचित्र घोषित भएको छ । चलचित्र विकास बोर्डले बुधबार शीतलनिवासमा आयोजना गरेको चलचित्र पुरस्कार वितरण समारोहमा बुलाकीलाई ‘सर्वोत्कृष्ट फिल्म’को ट्रफी प्रदान गरिएको हो ।
समारोहमा राष्ट्रपति रामचन्द्र पौडेलले २०८० सालमा प्रदर्शनमा आएका फिल्मको प्रतिस्पर्धामा उत्कृष्ट हुने फिल्मलाई १० विधामा पुरस्कार प्रदान गरे । उक्त अवसरमा राष्ट्रिय चलचित्र पुरस्कार २०८० र सोही वर्षको विशेष चलचित्र पुरस्कार वितरण गरिएको थियो । सर्वोत्कृष्ट निर्देशकको अवार्ड ‘दिमाग खराब’ का लागि निश्चल बस्नेतले पाएका छन् ।
सोही चलचित्रबाट स्वस्तिमा खड्का उत्कृष्ट अभिनेत्री घोषित भइन् । उत्कृष्ट अभिनेताको पुरस्कार भने ‘प्रसाद २’ बाट विपिन कार्कीलाई प्रदान गरिएको छ ।
